| |
|
| |
| O CONCELLO » O Alcalde » Sauda do Alcalde |
|
Saúda do Alcalde  | Severino Rodríguez Díaz
(Bloque Nacionalista Galego) |
Estimado internauta, en primeiro lugar quero agradecerche o teu interese pola páxina do noso concello, agardando que o seu uso che resulte útil e póndome á túa disposición para calquera suxestión, comentario ou mudanza que queiras propor.
Un dos nosos principais obxectivos para esta lexislatura é o de humanizar a nosa cidade: crear un espazo onde podamos vivir con calidade, tanto os habitantes permanentes de Monforte como os monfortinos que residen estacionalmente.
Entendemos que un espazo destas características é, ademais, un medio para atraer visitantes foráneos que potencien o sector turístico e así crear riqueza cultural e económica.
Porén, entendemos que este obxectivo non se pode acadar sen a necesaria participación da cidadanía no proxecto, para o que debe haber unha interacción constante entre o governo e a veciñanza.
En consecuencia, pretedemos que esta páxina web non sexa só un instrumento para facilitar os trámites ante a administración local, que tamén, senón que sirva para manter un contacto directo e permanente entre o Concello e a cidadanía e como un medio de facilitar a imprescindíbel participación cidadá na toma de decisións.
Recibe un afectuoso saúdo.
|
| |
|
|
|
|
Sauda do Alcalde
